ဖိတ်ကြားအပ်ပါသည်

ဲမြန်မာနိုင်ငံကွန်ပျူတာပညာရှင်အသင်း (MCPA) ၏ နှစ်ပတ်လည်အထိမ်းအမှတ် အသင်းသားစုံညီ တွေ့ဆုံ ဆွေးနွေးပွဲကို အောက်ဖော်ပြပါအစီအစဉ်အတိုင်း ကျင်းပပြုလုပ်မည်ဖြစ်ပါသဖြင့် ကြွရောက်ပေးပါရန် လေးစားစွာ ဖိတ်ကြားအပ်ပါသည်။

နေ့ရက် - ၈ -၁၀ - ၂ဝ၁၁ (စနေနေ့)

အချိန် - နေ့လယ် (၂းဝဝ - ၅းဝဝ) နာရီ

နေရာ - Conference Hall

မြန်မာအင်ဖိုတက်ခ်၊ လှိုင်တက္ကသိုလ်နယ်မြေ၊ လှိုင်မြို့နယ်၊ ရန်ကုန်။

အဆိုပါ အခမ်းအနားသို့ မြန်မာနိုင်ငံကွန်ပျူတာပညာရှင်အသင်းဝင်များ အားလုံးတက်ရောက်နိုင်ပါသည်။ ထို့ပြင် အသင်းသားများမှ မေးမြန်းလိုသည်များ၊ အကြံပြုဆွေးနွေးလိုသည်များရှိပါက မြန်မာနိုင်ငံကွန်ပျူတာပညာရှင် အသင်း (MCPA) သို့ စာဖြင့်သော်လည်းကောင်း၊ အီးမေးလ်ဖြင့်သော်လည်းကောင်း အောက်တိုဘာလ ၃ ရက်နေ့ ညနေ (၅းဝဝ) နာရီ နောက်ဆုံးထား၍ ပေးပို့နိုင်ပါသည်။ အခမ်းအနားနှင့် ပူးတွဲ၍ ဟောပြောပွဲများလည်း ထည့်သွင်းနိုင်ရန် စီစဉ်လျက်ရှိပါသည်။ အသင်းဝင်များမှ လက်ဆောင်ပစ္စည်းများ ထုတ်ယူနိုင်ရန် အတွက် အသင်းဝင် ကဒ်ပြား ယူဆောင်လာပါရန် လိုအပ်ပါသည်။

အသင်းနှင့် ပတ်သက်သော အသေးစိတ်အချက်အလက်များကို www.mcpamyanmar.org တွင် ဝင်ရောက်ကြည့်ရှုနိုင်ပြီး မြန်မာနိုင်ငံကွန်ပျူတာပညာရှင်အသင်းရုံးခန်း၊ အဆောင် (၄)၊ အခန်း(၄)၊ မြန်မာအင်ဖို တက်ခ်၊ လှိုင်တက္ကသိုလ်နယ်မြေ၊ အီးမေးလ် (office@mcpamyanmar.org)၊ ဖုန်း (၀၁-၆၅၂၂၇၆၊ ၀၉-၇၃၀ ၈၈၃၀၀) သို့ ဆက်သွယ်စုံစမ်းမေးမြန်းနိုင်ပါသည်။

Ref : www.mcpamyanmar.org